තාරකා සාදයකි
අතරතුර
කළු කුහර අහුමුළු වලින්
ඇසිනි නෙක කෙඳරිලි
රොමාන්තික දිලිසුමකි
ඉනික්බිති ශේෂ වූ
පිළිස්සුම් හා
තරු දුහුවිලි පමණි
වල්ගය වනා
චන්ද්‍රිකාවක නැඟී
පලාගියෙන් ධූමකේතුන්
පෙන්වූ තරු රටා
හීන පමණකි
තරුවලට තරු පෙනිනි
තරු කඳුළු නොබලා ම
හෙනහුරන් රැස් දමා
වළල්ලෙන් පන්නා දමති
තනියට කියා කුස දැවුම පමණි
අයාලේ සරමින්
පැහැදුල්ව සිනාසී
දැවුම් සඟවාගති
හුදෙකලා ප්‍රසූතියකි
පෘථිවි කුණු බක්කි දිලිසුනි!
අනාරාධිත යැයි කියා
විශ්වයේ දොර වැසුනු
උල්කාශ්ම කැබලිති වැනි
ලස්සනම ඇස් පොඩිති
වැටුණු තැන්වල ම පියවුනි
ඉර උදාවකි
අනාථ තැනිබිමකි!
නම නොදන්නා
බොහෝ මල් පිපුණි
-රොෂෙල් ෆර්නැන්ඩු-
No comments:
Post a Comment