සිහිනයේ කුමුදු මල් පැළඳ
සයනයේ සුමුදු සඳ නිදිද
සිඹිමි මම ආදරෙන් වැළඳ
නුඹ ගාව ඇයිද මෙතරම් සුවඳ
හෙල්මැලි පවා හඬන රාස
සුදුමැලි වෙලා කොපුල් රෝස
කම්මැලි වෙලා නැති ය ඕස
සියුමැලි ය තව තුනයි මාස
පා සුතරලේ දඟය උකුලත පුරා
ආ හැටියේ යනවාද හදවත ඉරා
වා තලයේ සුසුමන් ය මිහිමත උරා
මා හිටියේ ප්‍රේමයෙනි කුසමත දරා
නොසිඳුනෙන් ගඟිත්තක් කිරි මූද අයා
තවම අර ගලනවා සිඟිත්තා සොයා
රිදෙන පපු කැවුත්තේ වේදනා නිවා
ආයේමත් එනවාද පොඩිත්තෝ ඔයා
-රොෂෙල් ෆර්නැන්ඩු-
No comments:
Post a Comment