තරුවක් වීම 🌟

විශ්වයම ඔබව අන්ධකාරය වෙතට තල්ලු කළද බලාපොරොත්තුවේ පහන් එළි ඔබ හා තිබෙන තුරා ආලෝකය ඔබ පසුපස්සේ නිරන්තරයෙන් හඹා එනු ඇත. ❤️ ලොවක් එකතු වී ඔබව අඳුරේ ගිල්වමින් වෙහෙසට පත්කිරීමට උත්සුක වන විටෙකද නිහතමානී සෞම්‍ය වූ එළියකින් සිනාවක් දැල්විය හැකි නම් වෙහෙසට පත් වන්නේ ඔබ පෙළන්නට තතනන අන්ධකාරය විනා ඔබ නොවේ. හැකි සෑම විටෙකම අන්ධකාරය වෙත මඳ සිනා එළි පාන්න. එයින් නැගෙන මඳ ආලෝකයෙන් වුව අන්ධකාරය පහව ගොස් ජීවනයේ ආලෝකය ඔබ කරා ළඟාවනු ඇත.. 💛💛💛

විදුලි බුබුළු දහස් ගණනකින් ආලෝකමත් වූ කුටියක සැනින් විදුලිය ඇණහිටුවීමකින් අඳුරේ ගිලෙන්නට තත්පරයක ප්‍රමාදයක් ගත නොවනු ඇත.නමුදු එකම එක ඉටිපන්දමකින් එම තත්ත්වය සහමුලින්ම වෙනස් මඟකට යොමුකරමින් කුටියේ අඳුර මකාලිය හැකි බවද අප අමතක කළ යුතු නැත. ☺ ජීවිතයේ ඇතෑම් විටක අප විසින් කොයිතරම් ආලෝකය දුන්නද අප අඳුරේ ගිලෙනකම් බලා ඉන්නා අන්ධකාරයේ සෙවණැලිද නැතුවාම නොවේ.. 🙃 ඒ හැම විටෙක පවා ඔබ ආලෝකයක් මිස අන්ධකාරයක් නොවන බව සිහියේ තබා ගත යුතුය. 💖 කොයිතරම් ඝනදුර පෙළන්නට ආවත් ආලෝකයේ ක්‍රියාවන් අත්නොහැරිය යුතුය. එවිට ආලෝකයට නතුවීම විනා අන්ධකාරයට කළ හැකි කිසිවක් නොමැත. 🙂 අඳුරේ මායාවන් අපට එරෙහි වන වාරයක් පාසා ආලෝකයම පමණක්ම පෙරළා දෙන්නට තරමේ සිතක් අප තුළ පවත්වා ගත හැකි නම් කිසිදාක අප සතු ආලෝකයේ ප්‍රභවයනට හානි කිරීමට කිසිවෙකුට ඉඩක් නොලැබෙනු ඇත. 😇 

සියල්ලටම වඩා වැදගත්ම කරුණ වන්නේ ඔබ ආලෝකයක් විනා අන්ධකාරයක් නොවන වග #තරයේම මතකයේ තබා ගැනීමයි. 

සියලු අන්ධකාරයේ ක්‍රියා ගැන කම්පාවී දොසක් නඟනවා වෙනුවට ආලෝකයේ නිශ්චල වූ සිතකින් ඉවසීමෙන් බලා සිටිය හැකි නම් ජීවිතයේ ඔබ විසින් යා යුතු මාවත නිරායාසයෙන් විවර වනු ඇත. අන්ධකාරයෙන් වැසී ගිය කළු කුහර මාවත් වල පවා නොබියව ඇවිද යාමට ඔබේ ආලෝකය විසින් ඔබට මඟ සලසනු ඇත. ඔබේ ඉවසීමේ කෙළවර විසින් ආලෝකයේ සිහසුන කරා ඔබව රැගෙන යනු ඇත. එබැවින් ඉවසීමෙන් රජ වෙන්නැයි මම ඔබට කියමි. කුරිරු යැයි මතුපිටින් පෙනෙනා බොහෝ අන්ධකාර හදවත් වලට පවා වඩාත් අවැසි දේ ආලෝකයේ මාවත්ම පමණක්ම යැයි මම විශ්වාස කරමි. එබැවින් අන්ධකාරයේ ගිලෙන විශ්වයක තරුවක් වන තරමේ ආශිර්වාදයේ ආලෝකයයක් තවත් නැතැයි මම ඔබට කියමි.. 🙂 🌟 🌟 🌟

සඳ හැරදා අහස වසා
තරු නිවා දමා
හිරු ගිය තැන නැතිය ළකුණු
අදුරේ ලොව නිමා
විශ්වයෙනුත් ඉවත හෙළු
තරු මඬලකි මා
නමුත් දොසක් නොපවසාම
එළිය බෙදමි මා.. 🌟

රොෂෙල් ෆර්නැන්ඩු-