සෑම දිනකම අවසානයේ සන්ධ්‍යා උදාවට ස්වර්ගයේ සියලු දරුවන් එකට එකතු වී හිරු බැස යෑමේ වර්ණ පින්තාරු කරන්නට වියමනෙහි රැස්වෙති.
නමින් ඔවුහු වළාකුළු වෙති.
රන් රෝස පැහැ ඇඳුම් ඔවුන් වඩා ප්‍රිය කරති.
ඔවුන්ගෙන් ඇතැමෙක් රාත්‍රී තරු සාදය පිණිස කදිම බුමුතුරුණු අතුරා සන්ධ්‍යා කෙළවර සරසන්නෝ වෙත්
සුදු පැහැති වස්ත්‍ර පැළැඳි දියණියන්, නිල් පැහැති චාම් ඇඳුම් කට්ටලයන්ට වඩා ප්‍රිය පුතුණුවන් මිහිපිට මා දන්නා කදිම මෝස්තරකරුවන් ය 💜️💙
රන් පැහැති ස්වේද පිස දමා ඉර
දිවා මුරයේ වැඩත් නිමාකර
හනි හනික රෑ කුටිය බලා අර
දුවන විට හරි හැඩයි අවරගිර
සුදු පාට ඔසරි හැඩ වැඩ ගවුම්
රැස් වලිනි පින්තාරු ඉර මැවුම්
රන් රෝස දම්පාට නෙක හැඟුම්
ඉහින්නේ සෙනෙහසිනි නැත දැවුම්
අර ඈත තරු එකින් එක අරන් වසන්තය
පායාවී පැහැදුල්ව හැඩ වේවි දිගන්තය
වළාකුළු දරුවනී ප්‍රේමයේ අනන්තය
නුඹෙන් අත්විඳිනෙමි නුඹයි මගෙ ස්වර්ගය
-රොෂෙල් ෆර්නැන්ඩු -
No comments:
Post a Comment