ඇය නුඹේ ජීවිතයේ සුපුරුද්දක් නම් මා නුඹේ ජීවිතයේ ඇති කරගත් නරක පුරුද්දක් නොවේදැයි නොඅසමි..
(දනිමි..)
බොහෝ විට මිනිසුන් නරක පුරුදු වලට ඇබ්බැහි වේ..
( සැනහෙමි.. )
ඇබ්බැහිවීම් ජීවිතයෙන් අතැර දැමීම අසීරු බව තවමත් ඔබට මා කිවයුතුද..
නුඹත් මාගේ නරක පුරුද්දකි !
එහෙයින් නුඹෙන් මිදීමට මට උවමනාවක් නැත..
නුඹ මාගෙන් වෙනස් වන්නේ එහිදීය..
නුඹට අවැසි වූයේ මාගෙන් මිදී නුඹේ සුපුරුදු දිවිය වෙතට එළැඹීමටයි.. ඒ ගැන කාංසාවක් නැත. බිඳුවක හෝ අහිතක් නොසිතමි... මතුද එසේ නොවේවා යැයි පතමි. අහිතක් ඇතිවන තැනෙක ප්‍රේමය නැතැයි අදහන බැවින් අහිතක් නොසිතේයැයි හඟිමි.
පෙර මෙන් ආදරේ දැයි නොවිමසන්න.. ඉදිරියටත් ආදරේ යැයි නොසිතන්න..
අවකාශය පවා ඉඩක් සොයනා මොහොතක මත්බවටත් හුදෙකලාවටත් මා තුරුළු කර නුඹ සොයන අවකාශය සොයා යන්නට මහත් වූ ප්‍රේමයෙන් අවකාශය සලසමි.
සබඳ නුඹට දැන් යා හැකිය.
ඇබ්බැහිවීමටත් මත් වූ සන්ධ්‍යාවන් වෙනුවෙනුත් ඔබට ස්තුතියි
එපමණකි !
-රොෂෙල් ෆර්නැන්ඩු-
No comments:
Post a Comment