සුනිල තණබිම - නිසල දිය අස
විවේකයත් සැනසීමත් නුඹට ය
මරණයේ මිටියාවත පවා
මැදි කරගෙන
ජීවනයේ ගඟක වීමත්
නොසිඳී ගලා යාමත් මට අයත් ය
නිර්භීත හසරැලි මුවඟින් තබා
දෑස් දෙකොනේ තෙත මාත්තු කරමි
ඝනදුරත් රුදුරු නිම්නයත් මට ය
කුඩා ආලෝක කැබිලිත්තක් පවා නුඹට ය
නුඹව බිඳලන
එකඳු කඳුළක්
කිසිඳු විටෙක දි
නොසලමි
සාංකාව පසුපස
එලව එලවා පහර දී
පලවාහරිමි!
කඳුකරේ මලෙක ඇති
චාරුමත් බව නුඹෙ නමට ලියා දී
කටු අකුල නුඹෙන් කොල්ල කා ගමි
සියලු ලස්සන නුඹ ඉදිරියෙනි
විසැති පිනි රිදුම් සඟවාගමි
නැවුම් ප්‍රභාතයන් නුඹට මැ පවරා
සුනිශ්චිත සැඳෑවන් පැහැරගමි
නුඹේ යුතුකම සුවවීමය
මගේ ප්‍රේමය දිරිදීමය!
අත්නාරිමි!
-රොෂෙල් ෆර්නැන්ඩු-
No comments:
Post a Comment